සමගි ජන බලවේගයේ 6 වැනි සංවත්සරය නිමිත් කර ගෙන කිරිවෙහෙරේදී පිංකම් රැසක්..!

සජබෙට වසර 6ක් පිරීම නිමිත්තෙන් විපක්ෂ නායක දහම්පාසල් දරුවන්ට නිල ඇඳුම් රෙදි ලබා දෙයි

සමගි ජන බලවේගයේ 6 වැනි සංවත්සරය නිමිත් කර ගෙන සමස්ත ශ්‍රී ලංකා වාසී ජනතාවට ආශිර්වාද කිරීමේ අරමුණින් විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් රුහුණු කතරගම කිරිවෙහෙර පරිශ්‍රයේ දී පෙබරවාරි මස 7 සහ 8 යන දෙදින තුළ සර්ව රාත්‍රික පරිත්‍රාණ ධර්ම දේශනාවක් සහ හීල් දානමය පුන්‍යකර්මයක් පැවැත්විණි.

මේ මහැගි පුන්‍යකර්ම අවස්ථාවට සමගි ජන බලවේගයේ දේශපාලන නායකයන් ඇතුළු විශාල පිරිසක් එක් විය. එහි දී කිරිවෙහෙර චෛත්‍යරාජයාණන් වහන්සේ වැදපුදා ගත් විපක්ෂ නායක සජිත් ප්‍රේමදාස මහතා ඇතුළු පිරිස කිරිවෙහෙර වටා කප්රුක පූජාවක් ද සිදු කරන ලදී.

සමගි ජන බලවේගය 2020 ජනවාරි මස ආරම්භ වූ අතර එතැන් සිට රටේ අධ්‍යාපනය, සෞඛ්‍ය, ජන ජීවිතය නගා සිටුවීම උදෙසා සුවිශාල සමාජ, දේශපාලන සේවා රැසක් ඉටු කරන ලදී. 

රටේ දහම් පාසල් පද්ධතිය ශක්තිමත් කරන්න මීට පෙර රාජ්‍ය මැදිහත්වීමක් තිබු බවත් එයට හේතුව ආණ්ඩුක්‍රම ව්‍යවස්ථාවේ උත්තරීතර නීතිය තුළ බුදුදහම ශක්තිමත් කර පෝෂණය කිරීම ගැන සඳහන් බවත් ඊට සමගාමීව සෙසු ආගම් සංස්කෘතීන් රැකගෙන ආරක්ෂා කිරීම රාජ්‍යයේ වගකීම වුවත් දැන් ඒ දේ නොවන බවත් සුචරිතවත් දරුවකු සමාජයට බිහි කරන්නේ දහම් අධ්‍යාපනය තුළින් නිසා ඉදිරි කාලයේ දී තරුණයන් දහම් අධ්‍යාපනය කෙරෙහි යොමුවීම ප්‍රවර්ධනය කිරිමට දහම් පාසල තුළ ද සුහුරු අධ්‍යපනය මෙන්ම ඉංග්‍රීසි භාෂා අධ්‍යාපනය ක්‍රියාත්මක කළ යුතු බවත් විපක්ෂ නායක සජිත් ප්‍රේමදාස මහතා පැවසීය.

විපක්ෂ නායක සජිත් ප්‍රේමදාස මහතා මේ බව කියා සිටියේ සමගි ජන බලවේගයේ 6 වැනි සංවත්සරය නිමිති කර ගෙන කිරිවෙහෙර පුදබිමෙ උදැසන දානමය පිංකම හා දහම්පාසල් සිසු දරුවන් ට පාසල් නිල ඇදුම් රෙදි ලබා දීමේ අවස්ථාව හා එක්වෙමිනි.

සමගි ජන බලවේගයට වසර 6ක් සම්පූර්ණ වීම නිමිති කර ගෙන ආගමික වැඩසටහන් රැසක් ක්‍රියාත්මක කළ අතර එහි දිගුවක් ලෙස කතරගම අභිනවාරාම විහාරස්ථානයේ දහම් පාසලට සහ කිරිවෙහෙර දහම් පාසලේ දූදරුවන් වෙනුවෙන් දහම් අධ්‍යාපනය ප්‍රවර්ධනය කිරීම වෙනුවෙන් පරිත්‍යාග රැසක් සිදු කරන ලදී.

ධම්ම පදයේ දේශනා කරන ආකාරයට අනුන්ට උපදෙස් දෙන්නට පෙර තමා සුදුසු ගුණයේ පිහිටා කටයුතු කිරීම ඉතා වැදගත් බවත් එය දූදරුවන්ට මෙන්ම ගුරුවරුන්ට දේශපාලනඥයන්ට ද සියලු දෙනාටම අදාළ බවත් අද සමාජයේ බහුතරයක් අනුන්ට උපදෙස් දුන්නත් ඒ උපදෙස් දෙන අයම ඒ උපදෙස් උල්ලංඝනය කිරීම දක්නට ලැබෙන බවත් කෙලෙස් නිර්මාණය කරන වචන 1000කට වඩා කෙලෙස් දුරලන එක් වචනයක් වටිනා බවට ධර්ම පදයේ සඳහන් බවත් අද වන විට විවිධ ක්ෂේත්‍රවල පුද්ගලයන් විවිධ කතා කියන බවත් මේ කතා කියන විට කෙලෙස් නිර්මාණය නොවන කෙලෙස් දුරලන වචන භාවිත නොකළ යුතු බවත් විපක්ෂ නායකවරයා පැවසීය.

එසේම ධම්ම පදයේ තවදුරටත් සඳහන් වන ආකාරයට සරු දේ සරු ලෙසත් නිසරු දේ නිසරු ලෙසත් දැකිය යුතු අතර සරු දේ නිසරු ලෙසත් නිසරු දේ සරු ලෙසත් නොදැකිය යුතු බවත් සරු දේ නිසරු ලෙසත් නිසරු දේ සරු ලෙසත් අර්ථ දැක්වූවහොත් එමගින් ද කෙලෙස් නිර්මාණය වන බවත් ධම්ම පදයේ තවදුරටත් සඳහන් වන ආකාරයට මහා ගල් පර්වතයක් සතර දෙසින් හමන සැඩ සුළගින් නොසැලෙන්නා සේ සමාජයේ සිටින උගතුන් පණ්ඩිතයන් ද තමන්ට එල්ල වන නින්දා ප්‍රශංසා ඉදිරියේ නොසැලී සිටිය යුතු බවත් විපක්ෂ නායකවරයා පැවසීය.

අද සමාජයේ පදනම් විරහිතව නින්දා අපහාස මෙන්ම ප්‍රශංසා ද සිදු කරන බවත් බුදු රජාණන් වහන්සේ දේශනා කළ ආකාරයට නින්දාවේදීත් ප්‍රශංසාවේදීත් නොසැලී සිටීමට කටයුතු කළ යුතු බවත් මේ දහම් කරුණුවල අඩංගු විවිධ ගුණාංග ප්‍රායෝගිකව ශක්තිමත්ව ක්‍රියාත්මක කිරීමේ හැකියාව තිබිය යුතු බවත් මේ ධර්ම කරුණු පිළිපැදිය හැකි නම් ශක්තිමත් ශිෂ්ටසම්පන්න විනයගරුක යුක්තිගරුක ශීලාචාර සුචරිතවාදී පුරවැසි පරපුරක් බිහි කළ හැකි සේම සැවොම එකතු කර ගත් සැවොම ප්‍රතිලාභ ලබන සෞභාග්‍යමත් දේශයක් නිර්මාණය කළ හැකි බවත් විපක්ෂ නායක සජිත් ප්‍රේමදාස මහතා පැවසීය.